هەموو ئەو دۆست و هاورێیانم کە لە ئەبوزەبی و ناوچەکانی نزیک لەو شارە دەژین یا هەموو ئەو کەسانەی لە کۆتاییەکانی ئەم مانگە لەوێ دەبن بانگهێشتتان دەکەم بۆ ئامادە بوون و چێژ وەرگرتن لە مەراسیمی ڕاگەیاندنی زەنجیرە پەرتووکی وێنەیی خەلیج. 

پرۆژەی زەنجیرە پەرتووکی خەلیج بەشێکە لە پرۆژەیەکی گەورەتر کە جەخت لەسەر جوانی و کولتوور و ژیانی وڵاتانی عەرەبی دەکات لە رێگەی پەرتووکی وێنە و ئێستا و دوای تەواو بوونی داڕشتن و دیزاین و چاپی یەکەم ئێدیشنی ئەم زەنجیرە پەرتووکی وێنەیی و سەرنجڕاکێشە، لە ٢٤ ئەم مانگە لە ئەبوزەبی ئاهەنگ دەگێرین و بە فەرمی پەردەلادەدرێت لەم زەنجیرە پەرتووکە کە بە شانازییەوە کارەکانی من بەشێکن گرنگن لە پەرتووکی تایبەت بە عێراق و کوردستان.

ئێوارەی بیستی ئەم مانگە و بە بۆنەی جەژنی نەورۆز پێشانگای وێنەی نەورۆز لە گەلەری کەلتووری سێزای کەڕەکۆچی شاری ئامەد (دیاربەکر) دەستی پێکرد و بە کردنەوەی ئەم پێشانگایە پێشوازی لە نەورۆز کرا و ئەم بۆنەی نیشتیمانییە بەرز نڕخێندڕا. 

وێنەکانی ئەم پێشانگایە هەر چوار پارچەی کوردستان لە خۆ دەگرێت و منیش بە شانازییەوە یەکێکم لەو وێنەگرانەی بە وێنەکانی خۆم رێورەسمی بەرز نڕخاندنی نەورۆز لە باشوورم خستە بەر چاوی بینەری پێشانگاکە. 

شارەوانی شاری ئامێد بە هاوکاری وێنەگرانی ئەم شارە جوانە هەستاوە بە سازکردن و کردنەوەی ئەم پێشانگایە و دەستخۆشییان لێ دەکەم، شایانی ئاماژە پێکردنەیە کە ئەم پێشانگایە بۆ یەکەم جار دوای حەوت ساڵ دەکرێت و بۆیەش بایەخێکی زۆری نەتەوەی هەیە.

من یەکەم جار لە پێشانگایەکی لەو جۆرە لە وڵاتی تورکیا و شاری ئامەد بەشداری بکەم.

ئەمڕۆ، کتبێکی ناوازەم لە رێگەی پۆستەوە بەدەست گەیشت، ژمارەیەکی واژووکراوی پەرتووکی وێنەیی بەناوی: “ژووری نووستنی کەوتووەکان” بەرهەمی ئەشلی گیلبێرتسۆنی هاورێم و وێنەگری بەتوانای ئەژانسی سێڤن. ئەم پەوتووکە وێنەییە، ژووری نووستنی ئەو سەربازە ئەمریکیانەی وێنا کردووە و لەخۆی گرتووە کە لە شەڕەکانی عێراق و ئەفغانستاندا بوونەتە قوربانی و لە پێناو بیروباوەری نەتەوەییان کۆتایی بە ژیانیان هاتووە. 

هەر وێنەیەک چیرۆکێکی بەهێز دەگێڕێتەوە و ڕێز لە یادەوەرییەکانی ئەم تاکە ئازایانە و بنەماڵەکانیان دەگرێت. لەناخەوە کەوتمە ژێر کاریگەری ئەم دیارییە بە نڕخە و بیرۆکەی هۆشمەندانەی پشت چیرۆکەکەی، بیرخستنەوەیەکی قووڵ و ئاوڕدانێکی بەرپڕسانەیە بەرانبەر ئەو کەسانەی خۆیان کردووە قوربانی گەڵ و نیشتیمان و خاکی خۆیان و هەتا هەتایە نەبوونیان کاریگەریی بەردەوام دەخاتە سەر بنەماڵە و ئازیزانیان.

سوپاسی ئەشلی دەکەم بۆ ئەم دیارییە کاریگەر و جوانە.

کارەکانت نەک تەنها یادەوەرییەکان دەپارێزن بەڵکو واتای مرۆڤایەتی دەبەخشێتە تێچووی شەڕیش، بە شێوەیەک کە تەنیا وشەکان ناتوانن بیگەیەنن.