ئەمشەو ئەنجامەکانی دووسالانەی فۆداری بۆلگاریا راگەیێندڕا و هەرچەندە من یەکێک نەبووم لە بڕاوەکان بەلام بۆ پێشانگای تایبەتی ئەم دامەزراوەیە کارەکانم هەلبژێردراوە

لە راستیدا هەر ئەوەندەی کارەکانم لەم ولاتە دەکەوێتە بەرچاوی بینەران و نیشان دەدرێت، من ئامانجی خۆم پێکاوە و رازیم و شانازی پێ دەکەم

ئەمسال یانزەهەمین خۆلی ئەم فستیڤالە دووسالانەیە بەرێوەچوو و یەکەم جارە من لەم ولاتە و لەم بەینالە بەشدار بوومە و ئەم دەستکەوتە بە کارێکی گەورەی دەزانم

 کۆمەلێک لە وێنەکانی پرۆژەی پێشمەرگە بریندارەکانم بەشداری ئەم پێشانگایە دەبێت لە شاری سۆفیای پایتەختی بۆلگاریا کە لە ئەمرۆوە پێشانگا دەستی پێکردووە و بەردەوام دەبێت

بە هیوای سەرکەوتن بۆ هەموو لایەک

پێشتر ئاگادار کرابووم کە کارەکانم وەرگیراوە بۆ پرۆژەی ئەفسانە لە ئیتالیا و زۆر بە شانازییەوە دەمڕوانیە چالاکییەکانی ئەم پرۆژەیە

سەرەتا وتیان کە وێنەکانم لەگەل وێنەی هونەرمەندەکانی تر لە کتێبێک هەر بەو ناوە بلاو دەبێتەوە و کاتێ نموونەی سەرەتایی پەرتووکی ئەفسانەم بینی هەستم بە شانازی کرد لەبەر ئەوەی ناو و وێنەکانم لە پاڵ ناو و وێنەکانی هەندێ گەورە وێنەگری جیهانی هاتبوو کە خۆم سەرسامم بە کارەکانیان

لەم پرۆژەیە دوو کۆمەلە وێنەی من هەلبژێردراوە کە هەندێکیان وێنەی پرۆژەی بە ناوی دین ە کە لە سالی ٢٠١٦ بلاوم کردبوو و هەندێ لە وێنەکانیش تایبەتن بە پرۆژەی برینە کراوەکان کە ئەمسال بلاوم کردبووە

ئەمرۆش ئاگادار کرام کە هەر بە ناوی پرۆژەی ئەفسانە پێشانگایەکی تایبەت دەکرێتەوە لە نۆی ئەم مانگە وە بۆ یەک مانگ و نیو پێشانگا بەردەوام دەبێت لە شاری لینانۆ سابیادۆرۆ لە باکووری ئەیتالیا

دوای ئەوەی ئاگادار کرابووم کە یەکێکم لە براوەکانی فستیڤالی وێنەی لیسبۆن ناسراو بە ئیماگۆ لیسبوا، لە بەرواری یەکی مانگی دەی ئەمسال کارەکانی هونەرمەندە وەرگیراوەکان لە پێشانگایەکی تایبەت لە چوارچێوەی فستیڤالەکە لە گالێری کارپینتاریاس دەستی بە نمایش کرد و بەرهەمەکانی هەر شەش هونەرمەند کە هەموویان بانگهێشت کرابوون و لەناو گالێری ئامادە ببون هاتە نمایش کردن 

لە کاتی نمایش هەندێ کەسایەتی فەرمی شاری لیسبۆن و ئارەزوومەندانی وێنە ئامادە ببوون

ئەم پێشانگایە تا کۆتایی مانگ بەردەوام دەبێت و بۆ سەردانی کردن دەبێ بلیت بکرێت