دهۆک د چاڤکێ کامیرێدا،

ناونیشانی پێشبڕکێ و پێشانگایەکی وێنەییە کە لە لایەن یانەی لاوانی هونەری سینەما، لە شاری دهۆکی دەڵال بەرێوەدەچێت، زیاتر لە دوو سێ مانگە، بۆ ئاگاداری تامەزڕۆانی ئەم بوارە بانگەشەی بۆ کراوە و لە یازدەی ئادار، براوەکان ڕادەگەیێندرێت و پيشانگاکە دەست پي دەکات.

بە خۆشحالی و شانازییەوە یەکێک بووم لە ئەندامانی لێژنەی دادوەری ئەم کێبرکێ هونەرییە کە لە چەند رۆژی داهاتوو دەتوانن ئەنجامەکانی، لەناو هۆلی شێوەکاری، گەلەری دهۆک ببینن.

هیوای سەرکەوتن بۆ هەموو لایەک.

ژماڕەی یەکەمی گۆڤاری سورەتگراف کە گۆڤارێکی هونەری کوردییە و تایبەتە بە وێنەگڕی لەم رۆژانە لە ئامێد، باکووری کوردستان ئامادە و بڵاو کڕاوە
کۆمەلێک بابەتی بە نرخ و گرنگی لەسەر فۆتۆگرافی تیایە کە جێگەی سەڕەنج و دەست خۆشیە و ماندووبونێکی زۆری پێوە دیارە، هیوادارم هەر بەم بەهێزییە بەردەوام بێت و رووناکی بخاتە سەر ئەم هونەرە لە ناو کوردان

پرۆژەی چالدێران یەکێکە لەو بابەتانەی لەناو ئەم ژمارەیە گرنگی پێدراوە و لە پێنج ڵاپەڕە بڵاو بووتەوە

هیوادارم ئەو کەسانەی تامەزرووی ئەم هونەرەن دەستیان بە گۆڤارەکە بگات و تام و چێژی لێ وەرگرن

خەڵاتی چیرۆکی گەشتیاری، خەڵاتێکی ڕاستەقینەی وێنەیە وچەند ساڵێکە لە وڵاتی ئیتالیا و لە رێگەی بانگەوازێکی کراوە جێبەجێ دەکرێت

ئەمساڵ جیاواز لە خولەکانی پێشوو، لێژنەیەکی پسپۆڕ و پیشەگەری نێودەولەتی کاری دادوەری و هەڵسەنگاندنی وێنەکان دەکەن کە بە شانازییەوە منیش یەکێکم لەو کەسانەی بۆ مەبەستی دادوەری ئەم خەڵاتە دەستنیشان کراوم

بۆ زانینی ووردەکاری و چۆنیەتی بەشداری کردن بە ستوری و بە وێنەی تاک دەتوانن سەردانی ماڵپەری سەرەکی فستیڤال بکەن و لێرەش دەتوانن دادوەرەکانی تر بناسن