دوام ئەوەی لە مانگی شەشی ئەمسال وەک یەکێک لە براوەکانی پلاتفۆرمی ئال ئەوت هەلبژێردرام، لە سەرەتا وێنەکەم لە تایم سکوێری نیویۆرک لەسەر بیلبۆردی ام تی ڤی بە درێژایی رۆژ نمایش کرا کە مایەی شانازی بوو.

دواتر وەک پێشانگایەکی جیهانی گەرۆک دەست کرا بە نمایش کردنی کارە سەرکەوتووەکان.

سەرەتا و لە مانگی هەشت لەگەل وێنەکانی تری هەلبژێردراو لە کۆپێنهاگنی پایتەختی دانیمارک نمایش کرا و دوای ئەوە لە مانگی نۆ وێنەکان گەیشتنە بەریتانیا و شاری لیڤەرپوول و لە فرۆشگای لاش کە گەورەترین لاشی جیهانە دەست کرا بە نمایش کردن و بۆ دوو هەفتە پێشانگا لەوێ بەردەوام بوو.

لە ئەمرۆ واتە شانزەی مانگی یانزە نمایشی وێنەکان لە ئەلمانیا دەست پێدەکات و بۆ نزیکەی سێ هەفتە لە شاری مۆنشن و هەر لە فرۆشگای لاش لەم شارە بەردەوام دەبێت.

باڵەخانەی لاشی مۆنشن دوای لیڤەرپوول دووەم گەورەترین لاشی ئەورۆپایە.

هیوادارم ئەو هاورێیانەی لە ئۆسترالیا و بە تایبەت لە سیدنی دەژین، دەرفەتیان بۆ برەخسێت سەردانی ئەم پێشانگایەم بکەن کە ئەمسال وەک بەشێکی فستیڤالی هێدئۆن هەلبژێردراوە

لەم پێشانگایە سەربەرزی و شانازی پێشمەرگەی قارەمانی کوردستان نمایش دەکرێت و چیرۆکی ئەو ئازارانەی لە پێناو سەربەستی گەل و نیشتیمان چێشتوویانە

ئێمە هەموومان قەرزاری پێشمەرگەین

تازەترین چاوپێکەوتنم لەگەل دامەزراوەی هونەری هامبل

لەم گفتوگۆیەم لەگەل سەرنووسەری ئەم دامەزراوەیە باس لە مێژوویەکی کورتی کورد و پێشمەرگەی سەربەرزی کوردستان و ئازارەکانمان و هونەری وێنەگرتن و کاروچالاکییەکانی خۆم دەکەم و بە ووردی باسی هەندێ لە وورەکارییەکانی دوایین پرۆژەکانی بەلگەییم دەکەم

دامەزراوەی هامبل پێگەیەکی ناسراوی بواری وێنەگرتنە لە ئەمریکا کە لە چەند شارێکی ئەم ولاتە وەک: نیۆیۆرک، سیاتێل، دیترۆیت و سەن فرانسیسکۆ بارەگایان هەیە

هیوادارم خوێنەری ئەم دیمانەیەم بن و ڕاو و بووچۆنتان بزانم