لە ئەمرۆ پێشانگای ساڵانەی خەلاتەکانی فۆتۆگرافی پاریس کە منیش یەکێکم لەبراوەکانی ئەمساڵیان و یەکێکم لە بەشداربووانی پێشانگاکە و وێنەکانم لەوێ نمایش دەکرێت، دەست بە کارەکانی خۆی دەکات و بەردەوام دەبێت تا کۆتایی ئەم مانگە واتە نزیکەی شەش رۆژ پێشانگا درێژە دەخایەنێت

لەم پێشانگایە بە پێی راگەیاندنی فەرمی فستیڤالەکە بەس براوەکانی یەکەم و دووەم کارەکانیان نمایش دەکرێت و وەک پێشتر ڕاگەیاندرابوو من بە وێنەکانی پێشمەرگە سەربەرز و بریندارەکانی شەری داعش لەم فستیڤالە لە بەشی رۆژنامەوانی بە پلەی دووەم خەلات کراوم و نیشانی زیوم وەرگرتووە بۆیە بە شانازییەوە بەشداری پێشانگاکەم

ئێلانۆت ریڤیۆ کە ژۆرنالێکی ئێنگلیزی زمانی نێودەولەتیە لە ژمارەی تایبەتی پاییزیان، فیچەرێکیان لەسەر پرۆژەی وێنەیی پێشمەرگە بریندارەکانی شەری داعش بلاو کردووتەوە کە بە ووردی باسی پرۆژەکە دەکەن و هەندێ لە وێنەکانیشیان بلاو کردووتەوە

ئەم گۆڤارە تیشکی زیاتریان لەسەر فیکشن و نووسین و گێرانەوەی داهێنانەیە و سالانە بەس دوو ژمارەی لێ بلاو دەبێتەوە و لە لایەن دەرچووان و ئەندامانی لێژنەی زانستی زانکۆی بار ئێلان چاپ و بلاو دەکرێت

سەنتەری فۆتۆداک کە کار لەسەر وێنەی دێکۆمێنتاری دەکات و بەشێکە لە سەنتەری ناسراوی ساخارۆف لە ولاتی رووسیا، پێشبڕکێیەکی سالانەی وێنەی بەلگەیی نێودەولەتی هەیە و لەم رۆژانە ناوی ئەو کەسانەی گەیشتوونەتە بەشی فاینال و کۆتایی ڕاگێندڕاوە کە بە شانازییەوە منیش بە وێنەکانم سەبارەت بە پێشمەرگە سەربەرز و بریندارەکانی شەری داعش گەیشتوومەتە فاینال و بەشی کۆتایی

بە هیوای سەرکەوتن