ژمارەی تازە و زستانەی گۆڤاری بوطیقا کە گۆڤاری ئەدەبی هونەری خۆیندکارانی زانکۆی کوردستانە لە شاری سنە کەوتە بەر چاوی بینەر و خوێنەرانی خۆی

ئەم گۆڤارە کە سەرنووسەرەکەی کاک یاشار مەحموودیە  بە سێ زمانی کوردی و فارسی و ئێنگلیزی بڵاو دەبێت و گرنگی بە ئەدەبیات و هونەری وێنەگرتن دەدات

لەم ژمارەیە کۆمەلە چیرۆکێکی وێنەییم ( بە ناوی دین ) کە بەرهەمی چەندین ساڵ کار و رۆمال کردنی شەری داعشە بڵاو کراوە و خراوەتە بەرچاوی تامەزروانی ئەم بوارە

سوپاس بۆ زانکۆی کوردستان لە سنەی خۆشەویست و بە تایبەت کاک یاشار کە ئەرکی کێشاوە و گرنگی بە کارەکانی من داوە

ئەو کەسانەی دەیانەوێت بیخوێنن یا بیبینن و گۆڤارەکەیان دەست ناکەوێت، با پەیوەندیم پێوە بکەن، من نوسخەی دیجیتالی گۆڤارەکەیان بۆ دەنێرم

پرۆژەی برینە کراوەکان کە ساڵی پار یەکێک بوو لە فینالیستەکان لە پلاتفۆرمی گەشتی وێنەیی و چیرۆکەکانی سەفەر لە ولاتی ئیتالیا، کە یەکەم خۆلی بەرێوەچوو بوو، وەک یەکێک لە باشترین پرۆژەکانی ئەم پلاتفۆرمە دەستنیشان کراوە و لە ئەمرۆوە لەناو مالپەرەکەیان بڵاو کراوەتەوە. پرۆژەی برینە کراوەکان باس لە ئازار و نەهامەتیەکانی پێشمەرگە بریندارەکانمان دەکات کە لە شەری بەرگری لە نیشتیمان لە دژی داعش بریندار بوونە، ئەم پرۆژەیە لە چەند روانگەی جیاواز خوێندنەوەی ژیانی بنەمالەکانی سەربەرزی پێشمەرگە دەکات و وەک پرۆژەیەکی دژە جەنگ ئەم ئازارانە بەرجەستە دەکات

بلاو بوونەوەی ئەم پرۆژەیە لەم پلاتفۆرمە بە زمانی ئیتالی دەرفەتێکی ترە بۆ ناساندنی ئەم قارەمانانەمان کە هەتا هەتایە مایەی شانازی کورد و کوردستانن

ئەمرۆ بە فەرمی ناوی براوەکانی گڕەنتی گۆمای بەریتانی راگەیەندڕا و بە شانازییەوە یەکێکم لە براوەکانی ئەمساڵیان

لە بەشی خەڵاتی سەرەکی، توانیومە نیشانی شایستە و شکۆمەندی ئەم گڕەنتە بۆ خۆم دەستەبەر بکەم و لە رێگەی ئەم دەستکەوتە دیسانەوە بابەتی پێشمەرگە سەربەرزەکانی کوردستان لە کۆمەلگای نێودەولەتی بەرجەستە بکەم

پێشتر ناوی فینالیستەکان راگەیندڕابوو و وێنەکانم لە دوو بەشی جیاواز کاندیدی ئەم گڕەنت و خەڵاتە بوون، بەشی خەڵاتی سەرەکی و هەروەها لە بەشی باشترین بەرهەمی بەڵگەیی

من بە پرۆژەی پێشمەرگە بریندارەکانی شەری دژ بە داعش، ئەم گڕەنتە و ئەم خەڵات و شانازییەم وەرگرتووە

هیوادارم پێشمەرگە سەربەزەکانی نیشتیمانم، ئەم خەڵاتە وەک دیاری ساڵی تازە و نەورۆزم بۆ ئەوان لێم وەربگڕن

بە هیوای سەرکەوتن بۆ هەموولایەک