Tokyo International Foto Awards 2021

بڕاوەکانی ئەمسالی کێبرکێی نێودەولەتی خەلاتی وێنەی نێودەولەتی تۆکیۆ بە فەرمی ڕاگەیێندڕا و بە خۆشحالییەوە منیش یەکێکم لە بڕاوەکان

ئەمسال لەم پێشبرکێیە خەلاتی سێیەم و برۆنزی بەشی رۆژنامەوانی و شەڕم وەرگرتووە.بڕاوەی راستەقینەی ئەم خەلاتە و پرۆژەی بریندارانی شەری دژ بە داعش، کۆمەلێک پێشمەرگەی قارەمانی کوردستانن کە لە پێناو ئاسایش و ئازادی نیشتیمان گیانی خۆیان بەخت کردووە

 پێشتر لە ساڵی ٢٠١٦ خەلاتی زێرینی ئەم پلاتفۆرمەم وەرگرتبوو، بەلام ئەمساڵ ئەمە یەکەم خەلاتە لە ولاتی ژاپۆن وەردەگرم

بە هیوای سەرکەوتن بۆ هەموو لایەک


Unicef Photo Of The Year 2021

بە شانازییەوە، براوەی خەلاتی سێیەمی ئەمساڵی باشترین وێنەی ساڵی یونیسف م کە ئەمرۆ بە فەرمی ڕاگەیێندرا

 من بە کۆمەلە وێنەی برینە کراوەکان کە جەختی خستووە سەر ژیانی سەخت و بارودۆخی پڕ لە ئازاری ئێستا و داهاتووی نادیاری مندالانی پێشمەرگە بریندارەکانی شەری دژ بە داعش توانیومە خەلات و پلەی سێیەمی باشترین وێنەی ساڵی یونیسف وەربگرم کە رێز و شکۆیەکی نێودەولەتی دەستەبەر دەکات

 ئەم دەستکەوتە وا دەکات بابەتی مندالانی پێشمەرگە سەربەرزە بریندارەکانی کوردستان زیاتر بکەوێتە بەرچاو و بەو هیوایەم توانیبێتم کەمێک ئەرک و بەرپرسیاریەتی خۆم بەرانبەر بەم خۆشەویستانە جێبەجێ بکەم


 بە داخەوە و بۆ دووەم ساڵ دوای یەک بە هۆی بارودۆخی نەخوازراوی کرۆنا، مەراسێمی خەلاتەکان بە شێوەی ئاسایی خۆی بەرێوەناچێت و تەنیا لە رێگەی دیجیتال و ئۆنلاین و هەروەها میدیای کلاسیک هەوالی تایبەت بەم خەلاتە بلاو دەکرێتەوە، بەلام پێشانگای تایبەت بە وێنە براوەکان هەر لە بیست و یەکی ئەم مانگە لە ژووری بۆنەکانی باڵەخانەی فێدرالی (پەرلەمانی ئەلمانیا) لە بەرلین دەست پێدەکات و بۆ چوار هەفتە بەردەوام دەبێت و دواتر نمایشی وێنەکان بۆ شارەکانی تری ئەلمانیا دەگوازرێتەوە و بەردەوام دەبێت

 سەندوقی منالانی نەتەوە یەکگرتووەکان ناسراو بە یونیسف لە ئەلمانیا، خەلاتی باشترین وێنەی ساڵی هەیە کە ئەمسال خۆلی بیست و دووەمینی بەرێوەچوو و ئەو وێنەگرانە خەلات کران کە توانیویانە کەسایەتی و بارودۆخی ژیانی مندالان لە سەرانسەری جیهان لە رێگەی وێنە و کۆمەلە وێنەکانیان بە شێوەیەکی هونەرمەندانە و جوان تۆمار بکەن. خەلاتی وێنەی ساڵی سەندوقی منالانی نەتەوە یەکگرتووەکان لە سالی ٢٠٠٠ بە پێشنیار و دەستپێشخەری کۆمیتەی یونیسفی ئەلمانیا دەستی بە کارەکانی خۆی کردووە، هەر ئەم کۆمیتەیە بەرێوەبردنی ئەم خەلاتەی لە ئەستۆ گرتووە و براوەکانی هەر سال لە مانگی دێسەمبەر لە بەرلین رادەگەیێندرێت و وێنە هەلبژێردراوەکان لەم شارە نمایش دەکرێت

 کەس ناتوانێ راستەوخۆ لەم پێشبڕکێیە بەشداری بکات و شێوازی بەشداری کردن تەنیا لە رێگەی وێنەگر و کیورەیتۆری راسێپێردراو و دەستنیشان کراوی یونیسف دەبێت و ئەوان باشترینەکان کاندید دەکەن و کارەکانیان دەنێرن

 لەناو کوردان پێشتر لە ساڵی ٢٠١٦ برای خۆشەویستم ئارێز قادری کە خەلکی سنەیە و ئێستا دانیشتووی ئەلمانیایە توانیبووی خەلاتی یەکەمی ئەم پێشبڕکێیە وەربگرێت و شانازی بخۆلقێنێت


Chromatic Photography Awards 2021

دوای لافاوەکەی هەولێر، منیش وەک هەموو هاولاتێیەکی تری ئەم نیشتیمانە تا ئەم ساتەش هەر دڵگڕانم بەوەی روویدا و هاوخەمی ئەو بنەمالانەم کە خۆشەویستێکیان لە دەست دا یا بە هۆی ئەم رووداوە زەرەرێکیان پێ گەیشت

 لە خوای گەورە داواکارم سەبووری دڵی ئەو بنەمالانە بدات و ئەم کۆستەیان بۆ سووک بکات


 ئەمرۆ بە فەرمی ئەنجامی خەلاتەکانی پلاتفۆرمی نێودەولەتی وێنەی کرۆماتیک (رەنگی) کە لە بەریتانیا بەرێوەدەچێت راگەیەندڕا

 من کە بە یەک وێنە لە بەشی پرۆفەیشنال و پۆرترەیت بەشداریم کردبوو، توانیم نیشانی شایستە و شکۆمەندی ئەم پلاتفۆرمە وەربگرم کە بە شانازیەکی گەورەی دەزانم

 پۆرترەیتی کاک سەلمان کە پێشمەرگەی قارەمان و سەربەرزی کوردستان و برینداری شەری دژ بە داعشە توانی ڕای دادوەرانی ئەم پلاتفۆرمە بۆ خۆی ڕابکێشێت و ئەم دەستکەوتە تۆمار بکات

بە هیوای سەرکەوتن بۆ هەموو لایەک

Using Format