دوای ئەوەی بە شانازییەوە بوومە براوەی خەلاتی سێیەمی  وێنەی ساڵی یونیسف سەرەتا پێشانگایەکی تایبەت بە وێنە براوەکان بۆ ماوەی یەک مانگ لە باڵەخانەی پەرلەمانی ئەلمانیا لە بەرلین بەرێوەچوو و ئێستا ئاگادارکرام کە لە نۆی مانگی دوو تا بیستی مانگی سێی ئەمساڵ واتە بۆ نزیکەی شەش هەفتە وێنەکان لە ماڵی ڤیڵی برانت نمایش دەکرێت

ڤیڵی برانت چوارەمین ڕاوێژکاری ئەلمانیا بووە کە لە ساڵانی ١٩٦٩ تا ١٩٧٤ ئەم پۆستەی هەبووە و پێشتر جێگری ڕاوێژکاری ئەلمانیا و وەزیری دەرەوەی ئەلمانیا و شارەوانی شاری بەرلین بووە، لە ساڵی ١٩٧٠ وەک پیاوی ساڵی گۆڤاری تایم هەلبژێردڕاوە و لە ساڵی ١٩٧١ خەڵاتی ئاشتی نۆبێلی وەرگرتووە

لە ساڵی ٢٠٠٧ ماڵی ڤیلی برانت بووتە مۆزەخانە و مۆنێمێنت و ئەمساڵ بۆ یەکەمجارە پێشانگای وێنەکانی براوەی خەڵاتی یونیسێف لەم مۆزەخانەیە لە شاری لۆبێک دەخڕێتە بەرچاوی تامەزرووانی خۆی

هیوادارم کوردانی ئەلمانیا و ئەو کەسانەی لەم شارە نزیکن دەرفەتیان هەبێت سەردانی پێشانگاکەمان بکەن

چەند رۆژ لەمەوبەر و لە میانەی بەرێوەچوونی پێشانگاکەم لە شاری شیراز، رۆژنامەی ناسراوی ایران راپۆرتێکی بڵاو کردەوە لەسەر پێشانگاکەم و ڕا و بووچوونی هەندێ لە هونەرمەندانی ئێرانی لەسەر ئەم پێشانگایە، کە دەتوانن لێرە خوێنەری ئەم بابەتە بن.

ئەم گفتگۆیەم بە شێوەی راستەوخۆ لەگەڵ رووداو کرا لە رۆژی کردنەوەی پێشانگای وێنەیی لەبارەی شەڕ لە گەلەری شار لە شاری شیراز و هەندێ بابەتی پەیوەندیدار بەم پێشانگایە باس کرا

لە راستیدا ئەم چاوپێکەوتنەدا لە بیستی مانگی یەک واتە نزیکەی دە رۆژ لەمەوبەر کرا بەڵام بە هۆی نەبوونی ئەنتەرنێتی باش نەمتوانی لێرەی دابنێم