ڵە سەرەتای ئەم مانگە و دوای پەیوەندی کردنی ئێدیتۆری رۆژنامەی واشینگتۆن پۆست دەستم کرد بە کار کردن لەسەر گەرانەوەی ئەو بنەماڵانە عێراقیانەی داعش کە لە کەمپی ئەلهۆل دانیشتوونە و نیازی گەرانەوەیان هەیە بۆ عێراق

بۆ وێنەگرتنی ئەم بابەتە سەردانی شارەکانی موسێل و گەیارەم کرد و بەشدار بووم لە سیمێنارێکی تایبەت لەسەر چۆنیەتی گەرانەوەیان کە لە هۆتێلی دیدەمان لە شاری هەولێر بەرێوەچوو

دوای ناردنی وێنەکان ئێدیتۆری واشینگتۆن پۆست زۆری حەز لێبوو و دەستخۆشی لێکردم و هەر زوو کارەکان بڵاوکرایەوە لە رۆژنامەکە و دواتر بینیم واشینگتۆن پۆسی لە رێگەی ئەژانسی گێتی وێنەکانی داناوە بۆ فرۆشتن و دوای ئەوە وێنەکانم لە رۆژنامە و مالپەری زیاتر بڵاو بووە

پرۆژە تازەکەم کە باسی ئاکامەکانی کۆچ دەکات و لێکۆلینەوەیەکی مەیدانی بینراوە لەسەر ئەنجامەکانی شەڕی چاڵدران و پەرتەوازە کردنی کوردان بۆ ناوچە جیاوازەکانی وڵاتی ئێران لە لایەن پڵاتفۆرمی چیرۆکەکانی گەشت کە لە ئیتالیا بەرێوەدەچێت هەلبژێردڕاوە بۆ پەرتووکی ئەمساڵیان و کارەکەی من و چواردە کەسی تر کتێبەکە پێک دێنن کە بۆ بەرهەمی هەرکەسمان بەڵایەنی کەم دە ڵاپەرە تەرخان دەکرێت

لە بیست و شەشی مانگی هەشتی ئەمساڵ پەرتووک و چیرۆکە هەلبژێردڕاوەکان لە فستیڤاڵی وێنەی ژیانی هاوێنەی شاری کۆلێرنۆی پارێزگای پارمای ئیتالیا پیشان دەدرێت و لە سەرەتای مانگی دە بە فەرمی پەرتووکەکە لە کاتی بەرێوەبردنی جەژنی خەڵات کردنی براوەکانی ئەمساڵ و خولی دووەمی چیرۆکەکانی گەشت دەناسێندڕێت

 ئەم جەژنە لە گەلەری وێنەی هۆتێلی ئۆتۆ روومز لە رۆمای پایتەخت بەرێوەدەچێت

ئەمساڵ بۆ جاری دووەم بەشداریم کردووە لە فستیڤاڵی چیرۆکەکانی گەشت کە پلاتفۆرمێکی وێنەییە و لە وڵاتی ئێتالیا بەرێوەدەچێت و تایبەتە بەو بەرهەمە وێنەییانەی چیرۆکێکی بە نڕخی کۆمەلایەتی بەڵگە و تۆمار دەکات

پار و دوای سەرکەوتنی پرۆژەی برینە کراوەکانم لەم پلاتفۆرمە کە بۆ یەکەمجار بوو رێکدەخڕا دەرگای ئەم فستیڤالە بەرۆم کرایەوە و بۆ ئەمساڵ یەکێک بووم لەو کەسانەی لەسەر داوای خۆیان  بەشێک لە پرۆژە تازەکەمم بۆیان نارد کە باسی ئاکامەکانی کۆچ دەکات و من لەو کارەم لێکۆلینەوەیەکی مەیدانی بینراوم کردووە لەسەر ئەنجامەکانی شەڕی چاڵدران و پەرتەوازە کردنی کوردان بۆ ناوچە جیاوازەکانی وڵاتی ئێران

بە شانازییەوە کارەکەم هەلبژێردڕاوە وەک یەکێک لە پرۆژەکانی ئەمساڵیان و گەیشتووتە قۆناغی کۆتایی.