ئەمساڵ بۆ جاری دووەم بەشداریم کردووە لە فستیڤاڵی چیرۆکەکانی گەشت کە پلاتفۆرمێکی وێنەییە و لە وڵاتی ئێتالیا بەرێوەدەچێت و تایبەتە بەو بەرهەمە وێنەییانەی چیرۆکێکی بە نڕخی کۆمەلایەتی بەڵگە و تۆمار دەکات

پار و دوای سەرکەوتنی پرۆژەی برینە کراوەکانم لەم پلاتفۆرمە کە بۆ یەکەمجار بوو رێکدەخڕا دەرگای ئەم فستیڤالە بەرۆم کرایەوە و بۆ ئەمساڵ یەکێک بووم لەو کەسانەی لەسەر داوای خۆیان  بەشێک لە پرۆژە تازەکەمم بۆیان نارد کە باسی ئاکامەکانی کۆچ دەکات و من لەو کارەم لێکۆلینەوەیەکی مەیدانی بینراوم کردووە لەسەر ئەنجامەکانی شەڕی چاڵدران و پەرتەوازە کردنی کوردان بۆ ناوچە جیاوازەکانی وڵاتی ئێران

بە شانازییەوە کارەکەم هەلبژێردڕاوە وەک یەکێک لە پرۆژەکانی ئەمساڵیان و گەیشتووتە قۆناغی کۆتایی.

لەگەڵ هێرشی وەحشیانەی داعش بۆ کوردستان، هێزی سەربەرزی پێشمەرگە بە دەستی بەتاڵ و بە چەکی کۆن بەرگری لە خاکی پیرۆزی کوردستان لە بەرامبەر داعشی دڕەندە کە هەموو جۆڕە چەکێکی هەبوو دەکرد و لە هەمان کات حکومەتی هەرێمی کوردستان بە شانازییەوە مێوانداڕی نزیکەی دوو مێلیۆن ئاوارە و پەنابەر بوو

ئەو کات و لە سەڕەتاکانی ساڵی ٢٠١٦ لە سێنای ئەمریکا خاتوو ئێلێنا رۆز کە ئەندامی سێنا و بەرپرسی رۆژهەلاتی ناوەراستی لێژنەی پەیوەندییەکانی دەرەوەی سێنا بوو، وتارێکی پێشکەش کرد بۆ ئەوەی حکومەتی ئەمریکا زیاتر پشتگیری لە کورد و پێشمەرگەی کوردستان بکات

لە پاڵ ئەو وتە بە نڕخەی بۆ پشتگیری لە کورد و هێزی پێشمەرگەی کوردستان پێشکەشی کرد، بەرێزیان هەندێ لە وێنەکانی منی لەناو سێنا خستە بەرچاو بۆ ئەوەی تەواو کەری وتەکانی بێت

هەستێکی نامۆم هەبوو کە وێنەکانم بەو شێوەیە توانیان ئەرکی خۆیان بەجێ بگەیێنن

لەم لینکە دەتوانن گوێگری وتەکانی خاتوو ئێلێنا بن:

لە پانزەی ئەم مانگە و بۆ ماوەی یەک مانگ لە گەلەری جیهان پرۆژەی هونەری هێترۆتۆپیا دەستی بە کارەکانی خۆی کرد و منیش وەک یەکێک لە بەشداربووانی ئەم پرۆژەیە، هەندێ لە کارەکانی تازەم نمایش کراوە

ئەم پرۆژەیە لە چەند روانگەیەکی جیاواز باس لە کۆچ و دەرهاوێشتەکانی دەکات و هەر هونەرمەندێکی بەشداربووی ئەم پرۆژەیە بە مێدیۆمێکی جیاواز باس لەم بابەتە دەکات

ئەم پرۆژە هونەرییە لە لایەن کاک ئەحمەد نەبەز رێکخراوە و بەرهەمی ماندووبوونی ئەوە و شانازییەکەی بۆ بەرێزی دەگەرێتەوە و من دیسان لێرەوە سوپاسی دەکەم

هەروەها بە پێویستی دەزانم سوپاسی ئەنستیتوتی گۆتە و گەلەری جیهان بکەم بۆ پاڵپشتی لەم پرۆژەیە.خۆشحال دەبین بە بینین و هاتنتان