سەنتەری هونەری خەلکی جەوهەری کە بارەگایەکەی لە کالیفۆرنیایە بە بۆنەی بەرز ڕاگرتنی رۆژی ژن پێشانگایەکی هونەری ئۆنلاینی رێکخستووە بە ناوی ژنانی دەستپێشخەر و کاریگەر و ئێلهام بەخش و داوای لە هونەرمەندانی بوارە جیاوازەکان لە هەموو جیهان کردووە کە بەشدار ببن

وەک بەشداربوویەکی ئەم پێشانگایە سێ لە وێنەکانی خۆم ناردبوو بۆ ئەم بۆنە و هەر سێیکیان وەرگیراون، لەم وێنانە باسی پالەوانیەتی و نموونەیی ژنی کورد دەکەم کە لە پاڵ هاوسەرە بریندارەکانیان کە لە شەری داعش برینداربوونە، مەردانە ئاستەنگەکانی ژیانیان تێکشکاندووە و سەربەرزانە دەژین و نموویەکی بەرجەستەی مرۆڤایەتی وێنا دەکەن.

ئەم پێشانگایە لە پێنجی ئەم مانگە ٣\٢٠٢١ دەستی پێکردووە و تا کۆتایی ئەم مانگە بەردەوام دەبێت

بە خۆشحالییەوە ڕادەگەیێنم کە پرۆژە هونەرییەکەم کە لەسەر پێشمەرگە بریندارەکانی شەری داعشە و هێشتا کاری لەسەر دەکەم، لە لایەن سەنتەری هونەرمەندانی هاوچەرخی ئیتالیا هەلبژێردڕاوە، وەک یەکێک لە پرۆژەکانی ساڵی ٢٠٢١ یان

ئەم پرۆژەیەی سەنتەری هونەرمەندانی هاوچەرخ کە ناسراوە بە  کۆکا پرۆجێکت بریتیە لە بەرهەم هێنانی کاری هونەری و پێشانگا لە ئیتالیا و دەرفەتی ناساندن بە مالی کۆکەرەوەکانی کاری هونەری

ژمارەی یەکەمی گۆڤاری بۆمێر کە تایبەت کراوە بە ” هونەرمەندانی نوێ ” کەوتە بەر دیدی بینەران و تامەزروانی هونەر

ئەم گۆڤارە لە لایەن گالەری بۆمێر لە لەندەن چاپ و بلاو بووتەوە و دەیەوێت پردێک بێت بۆ دیالۆگ لەناو بەینی هونەرمەند و بینەرانی کاری هونەری، بۆ ئەم ژمارەیە نزیکەی دوو سەد هونەرمەندی نوێ لە هەموو جیهان کە کاری هونەری هاوچەرخ دەکەن هەلبژێردڕاوە و ناساندراوە و نموونەی کارەکانیان دانڕاوە کە خۆشبەختانە منیش یەکێکم لەو کەسانەی کە دەست نیشان کراوم

گۆڤارەکە لەناو گالەری بۆمێر لە لەندەن دەست دەکەوێت و بە شێوەی ئۆنلاینیش دەتوانن لە گوگل بووک و ئەپل ئایتونز بووک و چەند شوێنێکی تر داوا بکەن و بیکرن و بیبینن