سێیەمین فێستیڤاڵی فۆتۆی ڕۆژی نیشتمانی سنە
سێهەمین فێستیڤاڵی نیشتمانی فۆتۆی ڕۆژی سنە لە چوارچێوەی کەمپێکدا بەڕێوە دەچێت و فۆتۆگرافەرانی بەشداربوو بۆ ماوەی چوار ڕۆژ میوانی فێستیڤاڵەکە دەبن.
بە شانازییەوە من وەک یەکێک لە دادوەرانی ئەم فستیڤاڵە دەستنیشان کراوم و لە ماوەی فستیواڵ لە شاری سنە ئامادە دەبم.
ئەم فستیڤاڵە لە سەرەتای مانگی پێنج لە شاری سنە دەست بە کارەکانی دەکات و ئەمە سێیەمین ساڵە کە ئەم فستیڤاڵە لەو شارە جوانە بەرێوەدەچێت.
هەموو ئەو دۆست و هاورێیانم کە لە ئەبوزەبی و ناوچەکانی نزیک لەو شارە دەژین یا هەموو ئەو کەسانەی لە کۆتاییەکانی ئەم مانگە لەوێ دەبن بانگهێشتتان دەکەم بۆ ئامادە بوون و چێژ وەرگرتن لە مەراسیمی ڕاگەیاندنی زەنجیرە پەرتووکی وێنەیی خەلیج.
پرۆژەی زەنجیرە پەرتووکی خەلیج بەشێکە لە پرۆژەیەکی گەورەتر کە جەخت لەسەر جوانی و کولتوور و ژیانی وڵاتانی عەرەبی دەکات لە رێگەی پەرتووکی وێنە و ئێستا و دوای تەواو بوونی داڕشتن و دیزاین و چاپی یەکەم ئێدیشنی ئەم زەنجیرە پەرتووکی وێنەیی و سەرنجڕاکێشە، لە ٢٤ ئەم مانگە لە ئەبوزەبی ئاهەنگ دەگێرین و بە فەرمی پەردەلادەدرێت لەم زەنجیرە پەرتووکە کە بە شانازییەوە کارەکانی من بەشێکن گرنگن لە پەرتووکی تایبەت بە عێراق و کوردستان.
ئێوارەی بیستی ئەم مانگە و بە بۆنەی جەژنی نەورۆز پێشانگای وێنەی نەورۆز لە گەلەری کەلتووری سێزای کەڕەکۆچی شاری ئامەد (دیاربەکر) دەستی پێکرد و بە کردنەوەی ئەم پێشانگایە پێشوازی لە نەورۆز کرا و ئەم بۆنەی نیشتیمانییە بەرز نڕخێندڕا.
وێنەکانی ئەم پێشانگایە هەر چوار پارچەی کوردستان لە خۆ دەگرێت و منیش بە شانازییەوە یەکێکم لەو وێنەگرانەی بە وێنەکانی خۆم رێورەسمی بەرز نڕخاندنی نەورۆز لە باشوورم خستە بەر چاوی بینەری پێشانگاکە.
شارەوانی شاری ئامێد بە هاوکاری وێنەگرانی ئەم شارە جوانە هەستاوە بە سازکردن و کردنەوەی ئەم پێشانگایە و دەستخۆشییان لێ دەکەم، شایانی ئاماژە پێکردنەیە کە ئەم پێشانگایە بۆ یەکەم جار دوای حەوت ساڵ دەکرێت و بۆیەش بایەخێکی زۆری نەتەوەی هەیە.
من یەکەم جار لە پێشانگایەکی لەو جۆرە لە وڵاتی تورکیا و شاری ئامەد بەشداری بکەم.
