فستیڤالی دۆنگ گانگی کۆریای باشوور لە ١٦\٧ دەستیپێکردووە و تا ١٩\٩ بەردەوام دەبێت
ئەم فستیڤالە کۆمەلێک چالاکی و پێشانگای جوراوجۆری هەیە کە منیش لە بەشی نێودەولەتی ئەم فستیڤالە بەشدارم بە وێنەکانم
ئەم دوو وێنەیە بەشێکن لە پێشانگای نێودەولەتی ئەمسالی فستیڤالی دۆنگ گانگ
زیاتر لە شەش سەد وێنەگر لە نەوەد و پێنچ ولات بەشداری خەلاتی ئاشتی فلیکس شۆلێری ئەلمانیان کردبوو کە لە چەند رۆژی رابردوو ناوی چل کەس لە دوو بەشی جیاواز پێشنیار کراوە و واتە لە شۆرت لیستی ئەمسال دایە کە بۆ بەشی پیشەگەرەکان حەڤدە کەس و بۆ بەشی تازەپێگەیشتووان بیست و سێ نەفەر دەستنیشان کراون
بە خۆشحالییەوە من یەکێکم لەو حەڤدە کەسەی لە بەشی پیشەگەرەکان هەلبژێردراوم و گەیشتوومەتە ئەم قۆناغە
هەر ئەمە بە سەرکەوتن دەزانم تەنانەت ئەگەر نەگەمە بەشی کۆتاییش
سەرەتای دەستپێکردنم بە وێنەگرتن هەندێ لە هاورێییانی وێنەگری کورد لە رێگەی ئاژانسی مێترۆگرافی بەشداریان کرد لە فستیڤالی تەبلیسی لە جۆرجیا و من لەو کاتەوە بە هیوا بووم رۆژێک بتوانم بە وێنەکانم و بە تەنیا بەشدار ببم لەم فستیڤالە
رۆژ هات و چوو و من سەرقالی کارەکانی خۆم هەر لە بیرم چوو وێنەکانم بۆ ئەم فستیڤالەش بنێرم و ئەم سالانە هیچ کات بەشداریم نەکرد لەو فستیڤالە
چەند رۆژ لەمەوبەر خۆیان پەیوەندییان پێمەوە کرد و وتیان وێنەکانی تۆمان لە پرۆژەی ئایەندە بینیوە و هەلمانبژاردووی بۆ ئەوەی لە بەرنامە فەرمی فستیڤالی ئەمسالی تەبلیسی کارەکانت نمایش بکەین
زۆر خۆشحالم بەم دەرفەتە و دەزانم چەند گرنگە ئەم رووداوە
بە بیرم دێت جاران و لەسەرەتای وێنەگرتن پرسیاری ئەوەم لە کەسانی تر دەکرد کە چۆن بەشدار ببین لەم جۆرە فستیڤال و پلاتفۆرمانە و یەکێکیان وتی: تۆ کاری باش بکە ئەوان خۆیان دەنێرن بەدوات
ئەو کات ئەم وتەیەم بە هەند وەرنەگرت بەلام ئێستا بۆم دەرکەوت کە زۆر راستە و کە کاری باشت هەبێت خۆیان دەنێرن بەدوات
ئەوەم بۆ ئەوە گێرایەوە تا ئەوانەی لە سەرەتای رێگەن بزانن لەم هونەرە چۆن جێی خۆت بدۆزیتەوە
هێشتا بەرنامەی کاری فستیڤال بە روونی دیار نەکراوە بەلام وەک ئاگادارم وێنەکانم لە شەوانی فستیڤال نمایش دەکرێت
لە ٩ سپتەمبەر تا ١٠ی ئۆکتۆبەر واتە بۆ یەک مانگی تەواو وێنەکان سکرین دەکرێت
تەبلیسی فۆتۆ فستیڤال ئەم کارە بە هاوبەشی لەگەل مۆزەخانەی مۆلتی میدیا دەکات
بە هیوای سەرکەوتن بۆ هەموولایەک
