بە خۆشحالییەوە ئاگادار کراوم کە وێنەکانم هەلبژێردراوە بۆ فستیڤالی وێنەی کانێسی لیتوانیا

وێنەکانم لە بەشی فەرمی فستیڤالی ئەمسالی نمایش دەکرێت 

لە راستیدا من لەبەشی پێشبرکێ بەشداریم کردبوو نە بەشی فستیڤالیان بەلام بە پێشنیاری ئەوان و رەزامەندی من کارەکان لە پێشانگایەکی تایبەتی فستیڤال نمایش دەکرێت

کانێس دووەم شاری گەورەی لیتوانیایە و ئەم فستیڤالە درێژخایەن ترین چالاکی وێنەی لە ناوچەی بالتیکی ئەورۆپایە و یەکەم خولی لە ساڵی ٢٠٠٤ دەستپێکراوە و تا ئێستا بەردەوامە

چالاکییەکانی فستیڤالی ئەمساڵ لە دووی سپتەمبری ئەمسال لە کانێس دەستپێدەکات

وێنەکانم لە رۆژی دووی سپتەمبەر دەکەوێتە بەرچاوی بینەران و تا کۆتایی مانگی ئۆکتۆبەر پێشانگاکەم بەردەوام دەبێت

پێشانگای من لەسالۆنی مۆزەخانەی مۆزیکی فۆلکلوری شاری کانێس بەرێوەدەچێت

من پێشتریش لە لیتوانیا و لە ڤیلنۆسی پایتەخت پێشانگام هەبووە و ئەمە بە دووەم چالاکی من لەم ولاتە هەژمار دەکرێت

بە هیوای سەرکەوتن بۆ هەموولایەک

فستیڤالی دۆنگ گانگی کۆریای باشوور لە ١٦\٧ دەستیپێکردووە و تا ١٩\٩ بەردەوام دەبێت

 ئەم فستیڤالە کۆمەلێک چالاکی و پێشانگای جوراوجۆری هەیە کە منیش لە بەشی نێودەولەتی ئەم فستیڤالە بەشدارم بە وێنەکانم

 ئەم دوو وێنەیە بەشێکن لە پێشانگای نێودەولەتی ئەمسالی فستیڤالی دۆنگ گانگ

زیاتر لە شەش سەد وێنەگر لە نەوەد و پێنچ ولات بەشداری خەلاتی ئاشتی فلیکس شۆلێری ئەلمانیان کردبوو کە لە چەند رۆژی رابردوو ناوی چل کەس لە دوو بەشی جیاواز پێشنیار کراوە و واتە لە شۆرت لیستی ئەمسال دایە کە بۆ بەشی پیشەگەرەکان حەڤدە کەس و بۆ بەشی تازەپێگەیشتووان بیست و سێ نەفەر دەستنیشان کراون

بە خۆشحالییەوە من یەکێکم لەو حەڤدە کەسەی لە بەشی پیشەگەرەکان هەلبژێردراوم و گەیشتوومەتە ئەم قۆناغە

هەر ئەمە بە سەرکەوتن دەزانم تەنانەت ئەگەر نەگەمە بەشی کۆتاییش