The Ink People
March 31, 2021سەنتەری هونەری خەلکی جەوهەری کە بارەگایەکەی لە کالیفۆرنیایە بە بۆنەی بەرز ڕاگرتنی رۆژی ژن پێشانگایەکی هونەری ئۆنلاینی رێکخستووە بە ناوی ژنانی دەستپێشخەر و کاریگەر و ئێلهام بەخش و داوای لە هونەرمەندانی بوارە جیاوازەکان لە هەموو جیهان کردووە کە بەشدار ببن
وەک بەشداربوویەکی ئەم پێشانگایە سێ لە وێنەکانی خۆم ناردبوو بۆ ئەم بۆنە و هەر سێیکیان وەرگیراون، لەم وێنانە باسی پالەوانیەتی و نموونەیی ژنی کورد دەکەم کە لە پاڵ هاوسەرە بریندارەکانیان کە لە شەری داعش برینداربوونە، مەردانە ئاستەنگەکانی ژیانیان تێکشکاندووە و سەربەرزانە دەژین و نموویەکی بەرجەستەی مرۆڤایەتی وێنا دەکەن.
ئەم پێشانگایە لە پێنجی ئەم مانگە ٣\٢٠٢١ دەستی پێکردووە و تا کۆتایی ئەم مانگە بەردەوام دەبێت
